تعزیتی کلام۔۔۔۔۔۔۔۔۔   مولانا مکین احمد رحمانیؒ مدرسہ چشمۂِ فیض ململ کی سانحۂِ ارتحال پر تعزیتی کلام۔۔۔۔۔۔۔۔۔ ⁦✍️⁩ *نتیجۂِ فکر اشتیاق حیؔدر قاسمی سمستی پوری خادم مرکزی دار القضاء امارتِ شرعیہ پھلواری شریف پٹنہ۔*

*تعزیتی کلام۔۔۔۔۔۔۔۔۔*

*مولانا مکین احمد رحمانیؒ مدرسہ چشمۂِ فیض ململ کی سانحۂِ ارتحال پر تعزیتی کلام۔۔۔۔۔۔۔۔۔*

⁦✍️⁩ *نتیجۂِ فکر اشتیاق حیؔدر قاسمی سمستی پوری خادم مرکزی دار القضاء امارتِ شرعیہ پھلواری شریف پٹنہ۔*

⁦☎️⁩ *8210337358*

اک اور ستارہ اب اہلِ زمیں کا ٹوٹا

روٹھی ہماری قسمت ، ہم سے مکیںؒ بھی روٹھا

شاید کہ وہ وصیؒ کی فرقت کو سہہ نہ پائے

روٹھے وصیؒ تو غم میں یارِ وصیؒ بھی روٹھا

تھی دور رس نگاہیں ، پختہ تھی ان کی رائیں

گہری نظر کا حامل وہ دور بیں بھی روٹھا

ملت کی خیر خواہی کو بے قرار تھا جو

وہ فکر مند روٹھا اور وہ حزیں بھی روٹھا

راہِ خدا میں خود کو قربان کردیا تھا

وہ دین کا مجاہد ، دل کا دھنی بھی روٹھا

وہ حاملِ تحمل ، وہ صبر کا جبل تھا

افسوس آج ہم سے وہ متقی بھی روٹھا

وہ سادگی کا پیکر ، وہ خوبیوں کا مظہر

نورِ خدا سے پُر وہ روشن جبیں بھی روٹھا

تھا راج اس کا دل پے ، بے تاج شاہ تھا وہ

انسان کے دلوں کا وہ دل نشیں بھی روٹھا

دینی قلعے کا جو تھا لوگوں امین و پرور

ہم غمزدہ ہیں بے حد ہم سے امیں بھی روٹھا

روٹھے ہیں آج ہم سے اہلِ جہاں بھی حیدؔر

صد حیف ہم سے ربِّ عرشِ بریں بھی روٹھا

*ختم شد*

*مورخہ: ٧/ ذی الحجہ ١٤٤١؁ھ ، مطابق: ۲۹/ جولائی ٠٢٠٢؁ء ، بروز بدھ ۔*