غزہ میں فلسطینی نسل کشی جاری، مزید 25 فلسطینی شہید ، 89 زخمی

بصیرت نیوزڈیسک

فلسطینی وزارت صحت نے بتایا ہے کہ غزہ میں گذشتہ 24 گھنٹوں کے دوران قابض صہیونی ریاست کی جارحیت کےنتیجے میں 25 فلسطینی شہید اور 89 زخمی ہوئے۔

وزارت نے ایک بیان میں کہا ہے کہ 18 مارچ 2025 سے اب تک 1,652 فلسطینی شہید اور 4,391 زخمی ہوئے ہیں۔

وزارت صحت کا کہنا ہے کہ 7 اکتوبر 2023ء سے اب تک اسرائیلی جارحیت سے شہید ہونے والوں کی تعداد بڑھ کر 51,025 ہو گئی ہے اور 116,432 زخمی ہو چکے ہیں۔

اس نے کہا کہ”ابھی بھی بہت سے متاثرین ملبے کے نیچے اور سڑکوں پر ہیں، اور ایمبولینس اور شہری دفاع کا عملہ ان تک نہیں پہنچ سکتا”۔